Киирии

Киирии

Полицияҕа 53 саастаах Дьокуускай куорат олохтооҕо дьахтар, биллибэт дьон кинини албыннаан 3 мөл 800 тыһ солк уорбуттарын туһунан тыллаабыт.

От ыйын саҥата бу дьахтарга биллибэт киһи эрийэн,  Москубатааҕы силиэстийэлиир  уорган үлэһитин быһыытынан  бэйэтин   билиһиннэрбит уонна  саайтан эмп атыылаһан ночооттоох тахсыбытын туһунан эппит. Суут быһаарыытынан киниэхэ 415 тыһ солк компенсация төлөнөрүн туһунан иһитиннэрбит. Уонна 24 900 солк суут ороскуотун төлүөхтээҕин эппит. Дьахтар компенсация ылаары мобильнай баан нөҥүө харчыны ыыппыт. Ол кэнниттэн дьахтарга атын киһи эрийэн үп сулууспатын начаалынньыга быһыытынан бэйэтин  билиһиннэрбит уонна 62 250 солк страховой төлөбүрү көрдөөбүт. Дьахтар ону итэҕэйэн ыйыллыбыт сууманы ыыппыт. Икки күнүнэн сымыйа силиэдэбэтэл эрийэн төлөбүрү нолуок сулууспата саппытын  уонна компенсация сууматыттан 13% (53950 солк) төлүөхтээҕин туһунан эппит. Дьахтар итэҕэйэн харчыны ыыппыт. Оннук хас да күнү быһа биллибэт дьон эрийэн компенсация суумата 5 000 000 солк диэри улааппытын эппиттэр. Уонна араас сылтаҕынан  албыннаан харчы  ыыттарбыттар. Ол курдук, дьахтар уопсайа 3 мөл 840 тыһ солк ыыппыт. Эрэниллибит компенсациятын ылбакка полицияҕа тыллаабыт. Бу туһунан ИДьМ пресс-сулууспата иһитиннэрэр.

Тарҕат:

Комментарии

Защитный код Обновить