Кэбээйи улууһун Сангаар бөһүөлэгэр умайа турар дьиэттэн дьону быыһаатылар. Бу туһунан Росгвардия өрөспүүбүлүкэтээҕи салалтатын пресс-сулууспата иһитиннэрэр.
От ыйын 29 күнүгэр Пленарная уулуссаҕа турар икки этээстээх мас дьиэҕэ баһаар тахсыбыт. Ону Росгвардия үлэһиттэрэ көрөн баһаарынай сулууспаҕа тыллаабыттар уонна дьону быыһыырга туруммуттар. Ол күн күүстээх тыал түһэн уот түргэнник тарҕаммыт. Инньэ гынан, ыаллыы турар дьиэлэргэ кутталы үөскэппит. Росгвардия үлэһиттэрэ бааһарынайдары кытта дьону дьиэттэн таһаарбыттар. Уопсайа 23 киһи, олор истэригэр 9 оҕо уонна биир биэнсийэлээх киһи быыһаммыттар. Киһи өлүүтэ суох.
