СӨ Борокуратууратын пресс-сулууспата иһитиннэрэринэн, Нам улууһун нэһилиэк сэбиэтин биир дьокутаатыгар тэриллибит холуобунай дьыала суут көрүүтүгэр барда.
Дьокутаат бу иннинэ арыгы иһэн баран уруулга олорбутун иһин мөрөбүөй суут быһаарыытынан административнай эппиэтинскэ тардылыбыт.
Ол эрээри, ол да кэннэ өйдөнөн турбатах, бу бэс ыйыгар дьокутааппыт эмиэ итирэн баран уруулга олорбутун ГИБДД үлэһиттэрэ тараччы тутан ылбыттар.
Инньэ гынан, дьокутаакка хаттаан итирик туруктаах уруулга олорбутун иһин холуобунай дьыаланы көбүппүттэр. Дьокутаат икки сыл күлүүс хаайыытыгар түбэһиэн уонна 3 сыл устата суоппардыыр быраабын быстарыан сөп.
