Өлүөхүмэ оройуонугар саастаах дьахталларга ороспуонньуктаан түһүүгэ уорбаланар дьон тутулуннулар. Бу туһунан ИДьМ Саха сиринээҕи салаатын пресс-сулууспата иһитиннэрэр.
Бастаан 79 саастаах соҕотох дьахтарга түспүттэр. Эмсэҕэлээччи кэпсииринэн биллибэт дьон кини дьиэтин аанын, түннүгүн алдьатан киирбиттэр. Уонна бултуур саанан куттаан 10 тыһ солк биэнсийэтин тобоҕун ылбыттар.
Оттон түүн 81 саастаах дьахтар дьиэтигэр көтөн түспүттэр. Эмээхсин сыаналаах мала-сала,харчыта суох буолан, күлүгээттэр туга да суох тахсан барбыттар.
Уоруйахтар тутуллубуттар. Эрдэ сууттана сылдьыбыт 28 саастаах олохтоох эр киһи уонна кини 23 саастаах билэр киһитэ. Биирдэстэриттэн регистрацията суох сааны туппуттар.
Холуобунай дьыала тэриллэн, эрдэ сууттана сылдьыбыт 28 саастаах уорбаланааччы изоляторга сытар. Оттон бииригэр ханна да барбатын туһунан миэрэ ылыллыбыт.
