Судаарыстыбалар икки ардыларынааҕы авиационнай кэмитиэт (МАК) Кэбээйи улууһугар буолбут быһылааны чинчийэргэ анал хамыыһыйаны тэрийдэ. Санатар буоллахха, атырдьах ыйын 30 күнүгэр Кэбээйи улууһугар Ан-2 сөмөлүөт саахалламмыта, икки киһи өлбүтэ. Бу туһунан МАК саайтыгар суруйаллар.
“Судаарыстыбалар икки ардыларынааҕы авиационнай кэмитиэт буолбут быһылааны чинчийэргэ анал хамыыһыйаны тэрийдэ. Хамыыһыйа үлэтин саҕалаата”, – диэн иһитиннэриигэ суруллар.
Ан-2 көтөр аал Сиэгэн-Күөл аттынан күһэллэн түһүүнү оҥорбута. Манна икки киһи өлбүтэ, биэс киһи араас эчэйиини ылан балыыһаҕа киирбитэ. Бу быһылаанынан холуобунай дьыала тэрилиннэ.
