Киирии

Киирии

Сунтаар улууһугар 1950 сыллаах төрүөх Юлия Митрофановна Михайлова сүппүтэ номнуо онус күнүгэр барда. Билиҥҥи туругунан туох да түмүк суох.

Санатар буоллахха, дьахтар атырдьах ыйын 27 күнүгэр сүппүт. Кинини бүтэһигин федеральнай тыраасса Элгээйи уонна Хоро хайдыһыытыгар көрбүттэр. Ааһан иһэр дьон дьахтар Хоро диэки баран иһэрэ диэн кэпсииллэр. Ол эрэн, дьахтар Элгээйигэ олорор эбит. Кини суолун бутуйан тыраассаҕа тахсыбыт буолуон сөп диэн сабаҕалыыллар. Юлия Митрофановна халлаан күөх өҥнөөх баайыы бэргэһэлээх, ыстааннаах, хараҥа өҥнөөх кууркалаах барбыт.

Билиҥҥи туругунан Быыһыыр сулууспа биэс үлэһитэ (Үөһээ Бүлүүттэн 4, Сунтаартан 1) уонна олохтоохтор көрдүүллэр. Ону таһынан, биэс УАЗ уонна биир вездеход массыына. Сүппүт дьахтар суола күн бүгүнүгэр диэри көстө илик.

Юлия Митрофановна туһунан тугу эмит билбит, көрбүт дьон 8 (914) 288-15-14 эбэтэр Сунтаардааҕы   ЕДДС 8 (41135) 22-102 эрийэн биллэрэргитигэр көрдөһөллөр. 

Тарҕат:

Комментарии

Защитный код Обновить