Киирии

Киирии

2001 сыл балаҕан ыйын 11 күнүгэр АХШ Нью-Йорк куоракка, аан дойду үрдүнэн саамай улахан теракт буолбута. Ол кэмтэн ыла номнуо 18 сыл ааһа оҕуста.

Бу теракка 3000 кэриҥэ киһи суорума суолламмыта, 6000 кэриҥэ киһи араас эчэйиилэри ылбыта уонна 24 киһи сураҕа суох сүппүтэ.

Санатар буоллахха, 18 сыл аннараа өттүгэр террористар бөлөхтөрө түөрт көтөр аалы туппуттара. Олортон икки сөмөлүөт кэккэлэһэ турар атыы-эргиэн дьиэлэригэр кэлэн түспүттэрэ. Үһүс сөмөлүөт Пентагоҥҥа оттон төрдүс Пенсильванияҕа хонууга түспүттэрэ.

2002 сылтан АХШ Кэнгириэһин быһаарыытынан, балаҕан ыйын 11 күнүгэр Патриот күнүн бэлиэтиллэр. Оттон 2009 сылтан Бүттүүн национальнай сулууспа уонна өйдөбүл күнэ.

Тарҕат:

Комментарии

Защитный код Обновить