Войти

Войти

Кинини улахан суумалаах бэриги ылыыга уорбалыыллар.

Ис Дьыала министиэристибэтин пресс-сулууспата иһитиннэрэринэн, бэриги ылыыны “Якутское” ММУ экэнэмиичэскэй кутталы уонна хоруупсуйаны бохсор отдела булбут.

“2017 сыллаахха 44 саастаах салайааччы, оччолорго тыа хаһаайыстыбатын миниистирин солбуйан олорбут киһи, куорат кытыытыгар чааһынай дьиэни туттабын диэн сылтахтаан, биир урбаанньыттан 500 тыһ. солк. бэриги ылбыт. Онуоха миниистири солбуйааччы урбаанньыкка хантыраак түһэрсиллэр түгэнигэр, өрөспүүбүлүкэ тыатын хаһаайыстыбатын наадатыгар тутуу матырыйаалын тиэрдиигэ көмөлөһүөх буолан эрэннэрбит”, - диэн полициялар иһитиннэрллэр.

Бэриги ылыы чахчытынан полиция силиэдэбэтэллэрэ ХК 290 ыст. 5 ч. дьыаланы көбүппүттэр. Бу ыстатыйаннан 7 сылтан 12 сылга диэри хааллыахха сөп. Билигин уорбаланнааччыны СИЗОҕа утаарбыттар, салгыы ханна угалларын быһаарыахтара.

Сорох СМИ суруйарынан, тутуллубут киһи – Николай Петров. Кини ТХМ 2016-2018 сс. миниистири солбуйааччынан үлэлээбитэ.

Тарҕат:

Добавить комментарий