Киирии

Киирии

Арассыыйа Силиэстийэлиир кэмитиэтин Саха сиринээҕи Управлениета ТайгаПост саайтка иһитиннэрбитинэн, суруналыыс Виктория Габышеваҕа тэриллибит холуобунай дьыала силиэстийэлэнэн бүппүт.

Мээр Сардаана Авксеньтева үҥсүүтүнэн суруналыыс Виктория Габышеваҕа көбүтүллүбүт дьыаланы биэс ый устата силиэстийэлээтилэр. Санатар буоллахха, Габышева Сардаана Авскеньтеваттан бэрик ыла сатаабыт диэн буолбута.

Силиэдэбэтэллэр Габышева дьайыытыгар сокуону кэһиини булбатахтар уонна дьыаланы саппыттар.

Муус устар 29 күнүгэр Силиэстийэлиир кэмитиэт Виктория Габышеваҕа Арассыыйа ХК 163 ыст. 3 ч. “б” пуунунан (баайы-дуолу ылар сыаллаах бэриги көрдөөһүн) дьыаланы көбүппүтэ. Сардаана Авксеньтева Виктория Габышева айдааннаах тутааччы Гамлет Саакян интэриэһин көмүскээн бэриги көрдүүрүн үҥсэргээбитэ. Холуобунай дьыаланы хаста да уһатан баран, биэс ый буолан баран саппыттар.

Тарҕат:

Комментарии

Защитный код Обновить