8 шахтер суорума суолламмыт “Мир” саахалламмыт рудник урукку начаалынньыга Алексей Бурксер Дьокуускай куорат силиэстийэлиир изолятарыгар бэйэтигэр тиийинэн өллө. Кинини СИЗОҕа бэҕэһээ аҕалбыттара.
Бурксер өлүгүн сарсыарда 6 чаас саҕана булбуттар. Санатар буоллахха, “Мир” сир аннынааҕы рудник урукку началынньыгын Алексей Бурксеры уонна урукку кылаабынай инженер эбээһинэһин толорооччу Александр Манны 8 шахтер өлүүтүгэр уорбалаан туппуттара. 2017 сыл атырдьах ыйыгар “Мир” рудник саахалламыта, ол түмүгэр 8 киһи шахта анныгар хаалбыта. “Мир” АЛРОСА 8% хостуур алмааһын хааччыйбыта, тимирбит саппааһы 42 мөл. караакка сыаналыыллар.
Арассыыйа Силиэстийэлиир кэмитиэтэ СИЗОҕа киһи өлбүтүн бэрэбиэркэлиир.
