Алтынньы 7 күнүгэр Дьокуускай куоракка, алта саастаах оҕо уһуйаантан дьиэтигэр бэйэтэ барбыт. Бу туһунан ИДьМ пресс-сулууспата иһитиннэрэр.
Үлэ чааһын кэнниттэн ийэ оҕотун ылаары уһуйааҥҥа баран иһэн, иитээччигэ эрийэн оҕото таҥнан бэлэмнэнэ турарыгар эппит. Онтон уһуйааҥҥа кэлбитэ оҕото суох буолан, түргэн үлүгэрдик полицияҕа эрийбит.
Оҕону көрдүүр үлэҕэ ыттаах кинологтар эмиэ үлэлээбиттэр. Бастаан уһуйаантан оҕо дьиэтигэр диэри суолга көрдөөбүттэр. Оҕону олорор дьиэтин подьеһыттан булбуттар. Кырачаан киһи дьиэтигэр диэри 1 км хааман кэлбит. Куруук төрөппүттэрин кытта массыынанан сылдьар эбит.
