Войти

Войти

Үөһээ Бүлүү улууһун биир нэһилиэгин дьокутаата былаас бэрэстэбиитэлигэр илиитин көтөҕөн буруйдааҕынан билиннэ. Ол туһунан СӨ прокуратуратын пресс-сулууспата иһитиннэрэр.

Санатар буоллахха, бэс ыйын 22 күнүгэр Үөһээ Бүлүү улууһун биир нэһилиэгэр Ыһыах кэмигэр, итирик туруктаах дьокутаат гражданскай ойоҕун кырбыы сылдьарын ДПС инспектора көрөн тохтууругар көрдөспүт. Онуоха буруйдаах куота сатаабыт. Инспектор   эккирэппитигэр күрдьэҕи ылан хаста да саайбыт.

Холуобунай дьыаланы көрүү түмүгүнэн, суут буруйдааҕы ыстарааптыырга бириигэбэрдээбит. Сокуон быһыытынан дьокутаат боломуочуйата болдьоҕун иннинэ быһыллар. Өскөтүн кини утары буруйдуур суут бириигэбэрэ сокуоннай күүһүн ылбыт буоллаҕына.

Оройуоннааҕы прокуратура олохтоох бэйэни салайыныы быыбарданар уорганын бэрэссэдээтэлигэр иһитиннэрии ыыппыта. Ол түмүгүнэн дьокутаат боломуочуйата болдьоҕун иннинэ быһылынна”, – диэн пресс-сулууспа үлэһиттэрэ бэлиэтииллэр.

 News.Ykt.Ru

Тарҕат:

Комментарии

Защитный код Обновить