Войти

Войти

Бэҕэһээ, ахсынньы 4 күнүгэр ИДьМ пресс-сулууспата Уопсастыбаннай Кэтээн көрөр хамыыһыйа Саха сиринээҕи салаатын бэрэссэдээтэлэ, 55 саастаах, Амма улууһуттан төрүттээх Марина Семенованы түөкүннээһиҥҥэ уорбалаан туппуттарын уонна ИВСка утаарбытарын туһунан иһитиннэрбитэ. Сотору кэминэн Марина Егоровнаны суукка салгыы СИЗОҕа утаарар дуу, утаарбат дуу туһунан көрүөхтээхтэр.

Уопсастыбаннай Кэтээн көрөр хамыыһыйа хаайыыга олорор дьон бырааптарын көмүскүүр, кэтээн көрөр боломуочуйалаах. Маннык хамыыһыйа 2008 сылтан ыла дойду бары эрэгийиэннэригэр ФСИН иһинэн тэриллибитэ. Марина Егоровна салайар хамыыһыйата федеральнай сокуон чэрчитинэн боломуочуйатын барытын туһанан олорбута, элбэхтэ холуонньаларга сылдьан кэтээн көрөрө. Ол эрээри, Марина Егоровна хаайыылаахтары болдьоҕун иннинэ (УДОннан) босхолуурга көмөлөһөбүн диэн үс киһиттэн бэрик ылбытыгар уорбаланар.

Semenova1

“Якутское” ММУ Силиэстийэлиир управлениетын Силиэстийэлиир чааһа Марина Семенова утары Арассыыйа ХК 159 ыст. 2 ч. (“Түөкүннээһин”) дьыала көбүппүт. Силиэстийэ сылыктыырынан, уорбаланааччы үс киһиттэн “УДОннан босхолуурга көмөлөһүөм уонна СНГ гражданнара Арассыыйаҕа киирэр бобууларын ылларыам” диэн албыннаан харчы хомуйбут. Билиҥҥитэ уорбаланааччы ИВСка сытар. Ис Дьыала министиэристибэтэ маннык схеманнан албыннаппыт дьону полицияҕа биллэллэригэр көрдөһөр. Ол эбэтэр, силиэдэбэтэллэр Семенова дьайыытыттан өссө да элбэх киһи албыннаппыт буолуон сөп диэн сабаҕалыыр. Марина Егоровна бу дуоһунаска “Саха сирин дьахтар тэрилтэлэрин Сойууһа” хамсааһынтан киирбитэ. Биһиэхэ бу түбэлтэни истэн билэр дьон иһитиннэрбиттэринэн, бэрэссэдээтэл бу “өҥөтүн” иһин биир киһиттэн 75 тыһ. солк., иккискэ – 60 тыһ. солк., оттон гастарбайтертан 40 тыһ. солк. көрдөөбүт. Бу дьыала салгыы хайдах салалларын сиһилии кэтээн көрөбүт.

Тарҕат:

Комментарии

Защитный код Обновить