Войти

Войти

Нам сэлиэнньэтигэр олохтоох дьахтар дьиэтиттэн 25 кг убаһа этин уорбуттар. Хоромньу 12500 солк тэҥнэспит. Бу туһунан ИДьМ пресс-сулууспата иһитиннэрэр.

Уоруйах 38 саастаах эрдэ хаста да сууттана сылдьыбыт киһи. Кини итирик туруктаах дьиэтигэр баран иһэн, биир дьиэҕэ киирэ сылдьарга санаммыт. Манна кини кэпсииринэн билэр киһитэ олорбут. Оннук дьиэ тэрээһэтигэр киирэн кууллаах эти уоран тахсыбыт. Оттон эти илдьэ билэр киһитигэр тиийэн салааска көрдөөбүт. Салааска суох буолан уорбут этин чааһынай дьиэ тэлгэһэтигэр баах иһигэр хаалларбыт.

Уоруллубут эт хаһаайыныгар төнүннэриллибит. Уорбут киһиэхэ холуобунай дьыала тэриллибит.

Тарҕат:

Добавить комментарий