Ахсынньы 15 күнүнээҕи көрдөрүүнэн куорунан ыалдьыбыт дьон ахсаана 21 буолбут. Бу туһунан бэнидиэнньиккэ Роспотребнадзор Саха сиринээҕи салаатын санитарнай надзор отделын начаалынньыгын солбуйааччы Георгий Игнатьев мээрийэ мунньаҕар иһитиннэрдэ.
“Дьокуускайга куорунан ыалдьыбыт дьон уопсай ахсаана 20 киһи буолла. Олортон икки кыра оҕо. Абый улууһугар биир киһи ыарыйда”, – диэн Георгий Игнатьев эттэ. Кини кэпсииринэн бу ыарыыны тас дойдуттан аҕалбыт буолуохтарын сөп. Ол эрэн, төрүөтэ өссө да быһаарылла илик.
Бу күҥҥэ Роспотребнадзор Саха сиринээҕи салаата мэдиссиинэ тэрилтэлэригэр уонна Дьокуускай куорат икки үөрэх тэрилтэтигэр санитарнай-эпидемиологическай чинчийиилэри ыытар.
15 тыһ вакцина дозатын атыылаһыыга үбүлээһин көрүллүбүт.
