Мэҥэ Хаҥаластааҕы оройуоннай суут Чурапчы улууһун баһылыгар Андрей Ноговицыҥҥа тэриллибит дьыалаттан быыһаата. Санатар буоллахха, Андрей Тимофеевиһы сулууспалаах боломуочуйатын аһара туһаныыга уорбалаабыттара. Бу туһунан суут уурааҕа ахсынньы 19 күнүгэр тахсыбыт, бириигэбэр сокуоннай күүһүгэр киирэ илик.
Андрей Ноговицын хонтуруоллуур Чурапчытааҕы үөрэтэр-производственнай кэмбинээтигэр бэйэтэ тус сыалыгар туһаммыт тутуу матырыйаалын төлөппүт диэн уорбалаабыттара. Онуоха туһааннаах уураах быһыытынан, былырыын олунньуга тэрилтэ счетуттан төлөбүр барбыт диэн силиэстийэ саҕалаабыта.
Саха Өрөспүүбүлүкэтин Борокуратууратыгар иһитиннэрбиттэринэн, билиҥҥитэ бириигэбэри тута иликтэр, онон салгыы ааһыналларын эҥин туһунан этэр эрдэ.
Андрей Ноговицины биллэр албакаат Тамара Местникова көмүскээбитэ.
