Войти

Войти

Ааспыт өрөбүл күҥҥэ икки ыарахан дьахтар суол саахалыгар түбэспит. Ол туһунан “Якутия 24” ханаал эрэгийиэннээҕи ГИБДД-га сигэнэн иһитиннэрэр.

Бастакы саахал ахсынньы 22 күнүгэр Дьокуускайга буолбут. “Лексус RX-300” массыына “Тойота Ланд Крузер” массыынаны кытта харсыспыт. Ол түмүгэр лексус массыынаҕа олорсон испит икки киһи эчэйбит. Олор истэригэр ыарахан дьахтар баара биллибит. Эмсэҕэлээбит дьону амбулаторнай эмтэниигэ анаабыттар.

Бу күн Алдаҥҥа “ВАЗ-2121” уонна “Тойота Королла” массыыналар харсыбыттар. Королла массыынаны ыарахан дьахтар ыытан испит. Оттон УАЗ массыына суоппара саахал тахсыбыт сириттэн куотан хаалбыт. Инспектордар кинини чаас курдук көрдөөбүттэр. Ыарахан дьахтар эчэйии ылан куораттааҕы балыыһа төрүүр дьиэтигэр киирбит.

Билигин бэрэбиэркэ ыытыллар.

sakhalife.ru/

Тарҕат:

Добавить комментарий