Ахсынньы 24 күнүнээҕи көрдөрүүнэн 44 киһи куорунан ыалдьыбыт. Олор истэригэр 17-гэр диэри саастаах 13 оҕо баар. Бу туһунан Роспотребнадзор Саха сиринээҕи салаатын пресс-сулууспата иһитиннэрэр.
Ыалдьыбыт дьонтон улахан аҥара куортан утары быһыы ылбатахтар.
Билигин Дьокуускайдааҕы мэдиссиинэ тэрилтэлэригэр быһыы биэрэр 52 биригээдэ тэриллибит. Ол курдук, ахсынньы 23 күнүнээҕи көрдөрүүнэн 6453 киһи быһыы ылбыт: 3664 оҕо уонна 2789 улахан дьон.
Ыалдьыбыт дьону кытта алтыспыт 1032 киһи, олор истэригэр 109 оҕо быһыы ылбыт. Ону таһынан, 8,1 тыһ тахса киһи, олор истэригэр 2 тыһ тахса оҕо 21 күн устата кэтэбилгэ сылдьыахтара.
