Киирии

Киирии

Уус Алдан улууһун Лөгөй нэһилиэгин урукку баһылыгар тэриллибит холуобунай дьыала силиэстийэлэнэн түмүктэннэ. Урукку баһылыгы сулууспалаах балаһыанньатын туһанан атын киһи баайын-дуолун уорбутугар уонна 22 сулууспалаах албыннааһын эпизодугар уорбалыыллар.

Арассыыйа Силиэстийэлиир кэмитиэтин Саха сиринээҕи управлениета этэринэн, баһылык дьахтар нэһилиэк тупсарыытыгар, суол, тыа, балык уонна хомунаалынай хаһаайыстыбатыгар, култуураҕа, кинематографияҕа уонна СМИгэ туһуламмыт бүддьүөт харчытын сиэһиҥҥэ уорбаланар.

“Баһылык муниципальнай тэриллии аатыттан билэр урбаанньыттарын кытары өҥөнү оҥорууга сымыйа дуогабардары оҥорсубут. Уорбаланааччы ыйыытынан дьаһалта үлэһиттэрэ киниэхэ өҥө оҥоһуллубутун туһунан сымыйа докумуоннары оҥорон биэрбиттэр. Ону баһылык бэчээтинэн уонна илии баттааһынынан бигэргэппит. Харчыны ылбыт билэр урбаанньыттара счеттарыттан устан баһылыкка биэрбиттэр. Ону сиэмэх баһылык бэйэтэ билэринэн, тус сыалыгар дьаһайбыт. Кини баһылыктыы олордоҕуна кумааҕыга Кэптэнигэ Албан аат болуоссата “өрөмүөннэммит”, Хомустаах сэлиэнньэтин бөҕө-сыыһа “ыраастаммыт”, Кэптэнигэ спорт саалата “өрөмүөннэммит”, көрүүтэ-истиитэ суох, бэйдиэ сылдьар ыттар быстах кэмнээх питомниктара “оҥоһуллубут” уо.д.а. сымыйа үлэ кумааҕыга эрэ ыытыллыбыт” диэн силиэдэбэтэллэр матырыйаалларыгар суруллар. Инньэ гынан, уорбаланааччы нэһилиэк бүддьүөтүгэр 1 мөл. 400 тыһ. солк. хоромньуну таһаарбыт.

Барыллаан силиэстийэ кэмигэр уорбаланааччы буруйун билиммэтэх. Ол гынан баран, силиэдэбэтэллэр ону дакаастыыр сөптөөх матырыйаалы хомуйбуттар. Кулун тутар 19 күнүгэр холуобунай дьыала суут көрүүтүгэр ыытыллыбыт.

Тарҕат:

Комментарии

Защитный код Обновить