Роспотребнадзор Саха сиринээҕи салаата Дьокуускайга “Чороон” банкетыыр саала аһыттан дьон сүһүрбүтүн туһунан бэрэбиэркэ ыытар.
Ол курдук, ахсынньы 26 күнүгэр инфекционнай салааҕа 14 киһи киирбит.
“Ыалдьыбыт дьон туруктара орто. Кинилэртэн бактерия уонна ПЦР чинчийиигэ биологическай матырыйааллара ылылынна”, – диэн Роспотребнадзор үлэһиттэрэ бэлиэтииллэр.
Банкеттыыр саалаҕа санитарнай нуорма кэһиллибитэ биллибит. Онон саала үлэтэ тохтотуллубут. Эпидемиологическай чинчийии үлэтэ ыытыллар.
