Войти

Войти

Дьокуускай куоракка автосервис үлэһитэ атын киһи массыынатын күрэппит уонна суол саахалыгар түбэспит. Кини этэринэн, массыына тэхэньиичэскэй туругун бэрэбиэркэлиэн баҕарбыт.

Олунньу 4 күнүгэр ГАИ дьуһуурунай чааһыгар Ильменскэй уулуссатыгар турар автосервистэн киэһэ 21-22 ч. саҕана кимэ биллибэт киһи “Тойота Ланд Крузер” массыынаны күрэппитин туһунан иһитиннэрии киирбит. ГАИ үлэһиттэрэ онно тута ирдэбил үлэтин ыыппыттар. Чочумча буолаат, Окружной суолга күрэтиллибит массыынаны булбуттар. Прадо иһигэр икки автосервис үлэһитэ олорорун тараччы тутан ылбыттар. Биллэн турар,, кинилэргэ суоппардыыр быраап да, массыына докумуона да суох буолан биэрбит. Биллибитинэн, үлэһиттэр автосервискэ пиибэлии олорбуттар, онно сөп буолбакка эбинэргэ быһаарыммыттар уонна автосервискэ киирбит массыынаны күрэтэн пиибэ көрдүү барбыттар. Ол баран иһэн, өлүү түбэлтэлээх суолтан түспүттэр уонна гаас турбатын алдьаппыттар. Ол кэннэ, автосервистэн  үнүстүрүмүөн аҕалан хостуу сырыттахтарына полиция үлэһиттэрэ тараччы тутан ылбыттар.

Бу иннинэ урут сууттамматах, ол эрээри ахсынньыга суоппардыыр бырааба суох массыына ыыта сылдьан тутуллан административнай эппиэккэ тардылла сылдьыбыта биллибит. Билигин бу массыынаны күрэппит уолга Арассыыйа ХК 166 ыст. 1 ч. холуобунай дьыаланы тэрийбиттэр. Алдьаммыт массыынаны хаһаайыныгар төннөрбүттэр.

Тарҕат:

Добавить комментарий

Бүтэһик сонуннар