“Саханефтегазсбыт” урукку генеральнай дириэктэрэ, Ил Түмэн урукку дьокутаата Игорь Никитин хааллыбыт. Бу туһунан Арассыыйа Силиэстийэлиир кэмитиэтин Саха сиринээҕи управлениета иһитиннэрэр.
Санатар буоллахха, Игорь Никитины дуоһунастаах боломуочуйатын аһара туһаныыга уонна түөкүннээһиҥҥэ уорбалыыллар.
Силиэстийэ сабаҕалыырынан, “Норд-Спецстрой-1” ХЭУо дириэктэрэ Гриша Фероян уонна Игорь Никитин Саха сиригэр АЗСтары тутууга сыананы соруйан үрдэппиттэр, итиэннэ хампаанньа бас билэр баайын (кран) соруйан сыанатын үрдэтэн ньиэп бородууктатыгар атастаһан сокуоннайа суох дьайыылары оҥорбуттар.
“Олунньу 11 күнүгэр силиэстийэлиир бөлөх салайааччытын хадаатайыстыбатынан, Москуба куорат Мещаннааҕы оройуоннай суута Игорь Никитины силиэстийэ кэмигэр күлүүс хаайыытыгар утаарда. Кини куомуннааҕын Гриша Ферояны ирдэбилгэ биэрдилэр”, - диэн Силиэстийэлиир кэмитиэт иһитиннэрэр.
Холуобунай дьыаланы салгыы силиэстийэлииллэр.
