Войти

Войти

Муус устар 1 күнүгэр “Ростелеком” магистарылыгар саахал тахсан, бүтүн өрөспүүбүлүкэ үрдүнэн интэриниэтэ суох хаалбыппыт. Киһи бары дьиэттэн олорон үөрэнэр, үлэлиир кэмигэр кэккэ харгыстар тахсыбыттара. Холуобунай ирдэбил үлэһиттэрэ магистраль кабелын алдьаппыт дьону ир суолларын ирдээн булла диэн ИДьМ пресс-сулууспата иһитиннэрэр.

Ис Дьыала миниистирин бирикээһинэн Дьокуускайтан Алдан улууһугар холуобунай ирдэбил Управлениетын оперативнай бөлөҕө суһаллык тиийбит. Оперативниктар саахалы соруйан алдьаппыт үс киһини тараччы тутан ылбыттар. Барыллаан силиэстийэ быһаарбытынан, үс олохтоох эр киһи магистраль алдьаммыт сиригэр арыгылыы сылдьыбыт. Ол сылдьан, биирдэстэрэ оптоволокно ааһар баҕанатын ытыалаабыт. Хампаанньаҕа электромонтер киһи баар буолан, ити күлүгээннээһин улахан иэдээни таһаарбытын тута өйдөөн, суһаллык тэскилииргэ күһэллибиттэр.

Билигин ол дьону барыларын тутан, Алданнааҕы полиция салаатыгар аҕалан доппуруостаабыттар, холуобунай дьыаланы тэрийэр туһунан быһаараллар.

 

Тарҕат:

Добавить комментарий

Бүтэһик сонуннар