Бүгүн Москуба куорат инфекционнай балыыһатыгар “COVID-19” ыарыыттан Дьокуускай олохтооҕо, 60 саастаах Владимир А. өлбүт.
Кини искэн ыарыылаах кэргэнин кытта Москубаҕа эмтэнэ тиийбиттэр. Бастаан дьахтарга пневмония диагноһын туруорбуттар, онтон – “COVID-19”. Ол кэнниттэн эр киһи ыалдьыбыт. Кини реанимация салаатыгар сытан өлбүт. Оттон дьахтар туругун туһунан иһитиннэрии суох.