Дьокуускайга 1938 сыллаах төрүөх дьахтар хоруона вируһунан ыалдьыбытын туһунан бырабыыталыстыба бэрэссэдээтэлин солбуйааччы Ольга Балабкина Telegram-ханаалга иһитиннэрбит.
“Дьокуускай куоракка инфекционнай балыыһаҕа 1938 сыллаах төрүөх дьахтар хоруона вируһунан ыалдьан киирбит. Онон чугас дьоҥҥутун харыстааҥ”, – диэн иһитиннэриигэ этиллэр.
Аан дойду үрдүнэн мэдиссиинэ үлэһиттэрэ хоруона вируһа ордук иммунитеттара мөлтөөбүт, дьарҕа буолбут ыарыылаах аҕа саастаах дьоҥҥо кутталлаах диэн түмүккэ кэлбиттэрэ. Онон 60-тан үөһэ саастаах дьон доруобуйаларыгар ордук кутталлаах.
