Киирии

Киирии

“Алдьархайтан ас тахсар” диэбиккэ дылы, Кемерово быһылаана тахсарын кытта Евгений Вольнов диэн Украина олохтооҕо Кемерово куорат МЧС-н, судмедэкспертизатын эбэтэр моргун үлэһитэ буолан кубулунан, “300 киһи өллө” эҥин диэн тыллардаах видеоны устан тарҕаппыта билиннэ. Билигин бассаап үрдүнэн ол сымыйа информация олус күүскэ тарҕанан дьону аймыы сылдьарын суруйаллар.

Кемерово куорат дьаһалтата “Зимняя вишня” эргиэн киинигэр буолбут баһаарга сураҕа суох сүппүттэр уонна өлбүттэр испииһэктэрин таһаарда. Ол түмүгүнэн, баһаарга 64 киһи, ол иһигэр 41 оҕо, өлбүтэ быһаарылынна. (Оттон бу иннинэ сүтүктээх дьон бэйэлэрэ оҥорбут испииһэктэригэр 85 киһи суруллубута). Ону таһынан, 69 киһи эмсэҕэлээбитэ, олортон 12 киһи балыыһаҕа сытара чуолкайдаммыта. Биллэн турар, бу сыыппаралар халбаҥныы тураллар.

Уот туохтан барбыта билигин ситэ чуолкайдана илик. Билиҥҥитэ, мэлдьи да буоларыныы, “боруобат замыкайдаабыт” диэн биэрсийэ баһылыыр. Баһаар түмүгүнэн, үс ыстатыйанан холуобунай дьыала тэрилиннэ. Ол курдук, баһаартан куттала суох буолуу ирдэбиллэрэ туттуһуллубатахтар, быһылаан буолар кэмигэр дьон куотан тахсар ааннара, баһаары утары сигнализация үлэлээбэтэхтэр.

Тарҕат:

Ырытыыгын суруй

Защитный код
Обновить