Войти

Войти

Бүгүн, ыам ыйын 18 күнүгэр, СӨ Үрдүкү суутугар Дьокуускай куораттааҕы суут Георгий Карамзины СИЗОҕа сытарын уһаппыт бириигэбэрин хос көрдүлэр.

Суут быһаарыытынан “Утум+” тутар хампаанньа салайааччыта Георгий Олегович Карамзин силиэстийэлиир изолятортан дьиэ хаайыытыгар көһөрүлүннэ.

Санатар буоллахха, Георгий Карамзин “Строй-Академия” диэн тутар хампаанньа салалтатыгар урукку куорат мээрин солбуйааччыта Василий Гоголев дуоһунастаах боломуочуйатын аһара туһаныытыгар киксиитин иһин уорбаланар.

Бу холуобунай дьыала силиэстийэтэ түмүктэммитэ, онон сотору кэминэн борокуруор суут көрүүтүгэр ыытыаҕа. Бу иннинэ, муус устар 28 күнүгэр Василий Гоголевы эмиэ дьиэ хаайыытыгар көһөрбүттэрэ. Гоголевы “Строй-Академия” салайааччытыгар Айна Неустроеваҕа сокуоннайа суохтук өттөйөн, кини салайар хампаанньатыгар улахан хоромньуну таһаарыыга уорбаланар. Маныаха Гоголевка Георгий Карамзин уонна Татьяна Самсонова киксэн көмөлөспүттэр диэн силиэдэбэтэллэр уорбалыыллар.

Тарҕат:

Добавить комментарий

Бүтэһик сонуннар