Войти

Войти

Сыл саҕаланыаҕыттан өрөспүүбүлүкэҕэ суол быһылааныгар 28 киһи суорума суолламмыт. Бу туһунан ИДьМ ГИБДД управлениетын пресс-сулууспата иһитиннэрэр.

“Биэс ый иүигэр 264 суол саахала бэлиэтэммит, ол түмүгэр 28 киһи өлбүт, 288 киһи эчэйбит. Бэс ыйын уон күнүн иһигэр 22 суол саахала таҕыста, ол түмүгэр 7 киһи өллө, 21 киһи араас эчэйиини ылла”, - диэн ГАИ иһитиннэрэр.

Киһи өлүүлээх суох саахаллара Дьокуускайга, Чурапчы, Хаҥалас, Нерюнгри уонна Өлүөхүмэ улуустарыгар тахсыбыт. Үс суол быһылааныгар матассыыкыл ыыта сылдьан өлбүттэр, кинилэр туох да шлема, харыстанар мала суох ыыта сылдьыбыттар, икки сатыы киһи өлбүт, биир массыына суоппара уонна биир олорсон иһэр киһи тыына быстыбыт. Бу саахаллар сүрүннээн арыгы иһэн баран уруулга олорууттан, харах быччатарынан көтүтүүттэн уонна сатыы дьон суол быраабылатын кэһиилэриттэн тахсыбыт. Суол быһылаана улааппытынан, бэс ыйын 11 күнүттэн бары улуустарга, куораттарга ДПС нэрээтэ, ГИБДД үлэһиттэрэ күүстээх үлэ эрэсиимигэр таҕыстылар.

Тарҕат:

Добавить комментарий