Саха сирин борокуратууратын пресс-сулууспата иһитиннэрэринэн, өрөспүүбүлүкэҕэ “СУ-888” тутар тэрилтэ үлэһиттэригэр хамнастарын төлөөбөтөҕүгэр холуобунай дьыала тэриллибит.
Борокуратуура бэрэбиэркэтин түмүгүнэү биллибитинэн, “СУ-888” ХЭУо 52 үлэһитигэр уопсайа 2,9 мөл. солк. тахса хамнаһы төлөөбөтөх. Дьиҥэ тэрилтэ харчылаах эбит да, отой атын сыалга ыыппыт, онуоха хамнастарын өр кэм устата төлөөбөтөхтөр. Билигин холуобунай дьыала чэрчитинэн силиэстийэлиир дьаһаллар ылыллаллар, тэрилтэ салайааччытыгар хамнаһы төлүү охсоругар модьуйуу бэриллибит, оттон үлэһиттэр интэриэстэрин көмүскээн, борокуратуура суукка үҥсүбүт.
