Войти

Войти

Дьокуускай олохтооҕо киһи былаас бэрэстэбиитэлигэр сутуругун көтөҕөн, РФ холуобунай кодексын 318 ыстатыйатын 1 чааһынан сууттанна.

Быһылаан өссө бу сайын от ыйыгар буолбут. Дьокуускай куорат суутун саайтыгар сурулларынан, полиция үлэһитэ сууттанааччыны уоскута сатаабыт эрээри, анараата үтүө тылы истибэтэх. Төттөрүтүн полиция үлэһитин уолугуттан уонна бэстилиэтин кобуратыттан харбаан ылан илгиэлээбит, сиэбин уонна кобуратын курун быһа тардыбыт, эбиитин төбөҕө охсубут, тэбиэлээбит.

“Н. диэн киһи соруйан оҥоруутун түмүгэр оперативнай дьуһуурунай сокуоннай үлэтэ кэһилиннэ, эт-хаан эчэйиитин ылла, ону тэҥэ полиция үлэһитин дьоһуна түстэ”, -- диэн иһитиннэриигэ суруйаллар.

Биллэн турар, буруйдаах кэлин кэмсиммит. Дьыала төрдүн-төбөтүн быһаарсарга көхтөөхтүк көмөлөспүт дииллэр. Буруйун толору билинэн “явка” суруйбут, кэмсиммит-кэмириммит. Онон баара-суоҕа түөрт ый устатыгар уһатан төлүүргэ 100 тыһыынча солкуобайга ыстарааптаммыт. Бириигэбэр күүһүгэр киирэ илик, онон баҕарар буоллахха ааһыныахха сөп дииллэр.

Тарҕат:

Добавить комментарий