Полициялар Амма улууһун олохтооҕуттан 2,5 кг ыйааһыннаах марихуананы былдьаатылар. Бу туһунан ИДьМ пресс-сулууспата иһитиннэрэр.
“Быраҕыллыбыт тыа хаһаайыстыбатын эбийиэгин территориятыгар полиция үлэһиттэрэ профилактиканы ыытар дьаһаллар чэрчилэринэн кэрийэ сылдьан, куота-саһа сатаабыт эр киһини көрөн тохтоппуттар”, - диэн иһитиннэриигэ суруллар. Быраҕыллыбыт фермаҕа быраабы араҥаччылыыр уорганнар икки марихуана угулла сылдьыбыт бакыатын булбуттар, хаһаайына – тутуллубут эр киһи эбит. Кини сэлиэнньэ кытыытыгар бу сайын үүммүт дьиикэй көнөпүлэни харайан бэйэтэ туһанарыгар уура сыппытын эппит. Эр киһиэхэ наркотигы харайыыга, оҥорууга холуобунай дьыаланы көбүттүлэр.
