ИДьМ Хотугулуу-Илиҥҥи линейнэй управлениетын үлэһиттэрэ 48 саастаах Ленскэй куорат олохтооҕун туттулар.
48 саастаах эр киһи Ленскэй куоракка массыынаннан айаннаан испит. Полиция үлэһиттэрэ массыына иһиттэн пакекка угуллубут от күөх дьүһүннээх үүнээйи наркотигы былдьаабыттар. Эспэртиисэ быһаарбытынан, былдьаммыт пакет марихуана буолара биллибит, ыйааһына – 3 кг кэриҥэ. Доппуруос кэмигэр тутуллубут эр киһи билиммэтэх, Төрүт сокуон 51 ыст. Сигэнэн, бэйэтин утары быһаарыы биэрэртэн аккаастаммыт. Бу киһи утары Арассыыйа ХК 228 ыст. 2 ч. холуобунай дьыала көбүтүллүбүт, кинини ылан хаайбыттар.
