Киирии

Киирии

РФ Оборуонатын министиэристибэтин туох да эрэйэ суох “Уоруу министиэристибэтэ” диэн уларытан ааттыыр уолдьаста.

Ол курдук, бу күннэргэ тутуллубут Алексей Калитин диэн урбаанньыт Оборуона чунуобунньуктарыгар төһө суумалаах бэриги биэрбитин билиннэ. Кини оборуона судаарыстыбаннай сакаастарын “курдары” ылар туһугар 648 мөл. солк. харчыны биэрбит. Оборуона министиэристибэтэ төһө да уоруйахтар ордууларыгар кубулуйбута ырааппытын иһин, итиччэ улахан суумалаах бэриги билиҥҥитэ ким да биэрэ илигэ. Быһата, рекорд олохтоммут.

Бэрик иһин Оборуона министиэристибэтин чөмчөкөлөрө киниэхэ миллиардынан суумалаах полевой куукуна, бэкээринэ, цистерна, араас тиэхиньикэ сакааһын биэрэллэр эбит. Ол төһө бэрт хаачыстыбалааҕын сэрэйиэххэ эрэ сөп.

Дойдубут салалтата аан дойдуну барытын утары сэриилэһиэх буолан тииһэр да, муҥ саатар, тоҕо бу министиэристибэтин бэрээдэктээбэт баҕайытай!

Тарҕат:

Комментарии

Защитный код Обновить