Арассыыйатааҕы СК Саха сиринээҕи силиэстийэлиир салаатынан буруйу оҥоруу састаабын бэлиэлэринэн, РФ ХК 109 ыстатыйатынан, 1 чааһынан «Алҕаска өлөрүү», 47 саастаах дьахтар туһугар холуобунай дьыала көбүтүлүннэ. Бу буруйу оҥоруу иһин накаастабыл – муҥутаан 2 сылга тиийэ көҥүлү быһыы.
2021 сыл муус устар 69 күнүгэр, киэһэ 16 чаас саҕана, 47 саастаах дьахтар «Toyota Rush» массыынанан, Дьокуускай куорат Петра Алексеева баар автосервис иһигэр киирэн иһэн алҕас, 52 саастаах автосервис үлэһитин дэҥнээтэ.
Эт-сиин өртүнэн күүскэ эмсэҕэлээбит эр киһи, хомойуох иһин тута миэстэтигэр суорума суолланна.
Холуобунай дьыала иһинэн маннык ынырык быһылаан тахсарыгар туох тоҕоостоох буолбутун, биричиинэлэрин быһаарыахтара, массыына техническэй туруга чинчийилиннэ, анал эпсэртиисэлэр ыытылыннылар. Буруйдаах дьахтар массыына ыыппыт ыстааһа 8 сыл буолбута бигэргэтилиннэ. Билиҥҥи кэмҥэ, дакаастыыр база хомуллан олохтоноругар, силиэстийэлиир дьайыылар ыытылла тураллар.
Холуобунай дьыала ирдэбилэ салҕанар.
