Уорабаланааччылар социальнай хантараак быһыытынан 400 тыһыынча харчы ылбыттар.
Уус-Майа Эльдикан бөһүөлэгиттэн төрүттээх 45 - саастаах эр киһи уонна 45 – саастаах дьахтар кэтэх хаһаайыстыбаны сайыннарарга диэн социальнай төлөбүр ылан бараннар, тыа хаһаайыстыбатынан дьарыктамматархтара биллибит, диэн иһитиннэрэр Саха сиринээҕи ИДЬМ пресс- сулууспата.
«Сокуону кэһэллэрин дьэҥкэтик өйдүүр эрээрилэр, кинилэр Дьарыктаах Буолуу Киинигэр куурусса, бороһуонак уонна мотокультиватор атыыласпыттарын туһунан сымыйа докумуоннары тиксэрбиттэр, ол докумуоннарга олоҕуран судаарыстыба кинилэргэ хас биирдиилэригэр субсидия ааҕан таһаарбыт. Төлөммүт субсидиялар кээмэйдэрэ 400 тыһыынчаттан тахса солкуобай буолбут», - диэн бэлиэтэнэр иһитиннэриигэ.
Арассыыйатааҕы Холуобунай Кодекс «Түөкүннээһин» ыстатыйатынан холуобунай дьыала көбүтүлүннэ. Силиэстийэ ыытыллар кэмигэр уорбаланааччылартан ханна да барбаттарын туһунан баппыыска ылылынна.
