Киирии

Киирии

Дойду оборуонаҕа министиэристибэтэ иһитиннэрэринэн, Сирияҕа Су-30СМ Арассыыйа истребителэ саахалламмыт. Бу туһунан РИА-Новости иһитиннэрэр.

Ол түмүгэр, сөмөлүөтү тиһэҕэр диэри быыһыы сатаабыт икки лүөччүк өлбүт. Саахал Москуба бириэмэтинэн сарсыарда 9:45 ч. Средиземнэй муораҕа буолбут. Истребитель Хмеймим аэродромуттан көтөн тахсан, үөһээ дьулуһаары саахалламмыт. Сөмөлүөтү ким да ытыалаабатах, мотуоругар көтөр киирэн иҥнибит буолуон сөп диэн сылыктыыллар.

Санатар буоллахха, Сирияҕа бүтэһигин Арассыыйа сөмөлүөтэ бу кулун тутарга саахалламмыта. Онуоха Ан-26 сөмөлүөт эмиэ Хмеймим аэродромугар түһээри саахалламмыта, 33 пассажир уонна 6 экипаж чилиэнэ бары өлбүттэрэ.

Тарҕат:

Ырытыыгын суруй

Защитный код
Обновить

Бүтэһик сонуннар