Бүгүн СӨ Үрдүкү Суутугар икки киһини өлөрбүт уонна үһүс киһи тыыныгар тура сатаабыт Василий Ш. бириигэбэри аахтылар. Кини Арассыыйа ХК 105 ыст. 2 ч., 30 ыст. “а” п. сууттанна.
Суут быһаарбытынан, Василий Ш. 2016 сыллаахха ахсынньы 18 күнэ үүнэр түүнүгэр Покровскай куоракка эмсэҕэлээччилэри кытары арыгылыы сылдьыбыт. Ол олорон боруоктаһан турбуттар. Ш. быһах ылбыт да икки киһиэхэ саба түспүт уонна тимир штанганан биэртэлээбит. Онно тута икки киһи өлбүт. Онтон аны дьиэ хаһаайыныгар быһаҕынан саба түспүт. Төбөтүгэр уонна моонньугар быһаҕынан анньыллыбыт хаһаайын атын хоско куотан саспыт. Дьолго тыыннаах хаалбыт. Сууттанааччы буруйун олох билиммэтэх. Ол эрээри, суут ону толору дакаастаабыт.
Судьуйа Дмитрий Саввинов өлөрүөхсүтү 19 сылга кытаанах эрэсиимнээх холуонньаҕа уураахтаата. Маны таһынан, сууттанааччы эмсэҕэлээччи өрүккэ 1 мөл. 800 тыһ. солк. хоромньуну төлүөҕэ. Бириигэбэр сокуоннай күүһүгэр киирэ илик, өрүттэр салгыы ааһыныахтарын сөп.
Бу туһунан СӨ Үрдүкү Суутун пресс-сулууспата иһитиннэрэр.
