Киирии

Киирии

СӨ ИДьМ урукку миниистирэ Яков Стахов 4 усулуобунай болдьоххо, 2 сыл 6 ый кэтээн көрүүгэ бириигэбэрдэннэ. Маны таһынан, кини полиция генерал-майора чыынын былдьаатылар.

“Бүгүн, ыам ыйын 7 күнүгэр, Дьокуускай куораттааҕы суут урукку Ис Дьыала миниистирэ Яков Стаховка бириигэбэри таһаарда. Кини Арассыыйа ХК 159 ыст. 3 ч. (сулууспалаах балаһыанньатын аһара түһэн улахан кээмэйдээх хоромньуну таһааран, түөкүннээһин) сууттанна. Суут кинини 2 сыл 6 ый кэтээн көрүүгэ, 4 сылга усулуобунай болдьоххо бириигэбэрдээтэ. Генерал-майор чыынын эмиэ былдьаатылар. Бириигэбэр сокуоннай күүһүгэр киирэ илик, онон өрүттэр ааһыныахтарын сөп”, - диэн СӨ борокуруорун СМИни уонна уопсастыбаннаһы кытары бииргэ үлэлииргэ ыстаарсай көмөлөһөөччү Марианна Рожина иһитиннэрэр.

Силиэстийэ быһаарбытынан, Стахов 2007 сыллаахха АЛРОСА ИДьМ бэлэхтээбит “Мерседес Бенц 400 SEL” мааркалаах массыынатыгар дураһыйан, аймаҕыгар биэрбит. 2012 сыл олунньутугар силиэдэбэтэл доппуруоска ыҥыран бэбиэскэ биэрбитин наадалааҕынан аахпатах уонна силиэстийэ уорганнарыттан куотан хаалбыт.

Кулун тутар 11 күнүгэр Стаховы норуоттар икки ардыларынааҕы ирдэбилгэ биллэрбиттэрэ. 2016 сыл алтынньы 12 күнүгэр Стахов илэ бэйэтинэн силиэстийэ уорганнарыгар кэлбитэ уонна ол күн тутуллан хаайыллыбыта. 2017 сыллаахха Стахов дьыалатын түөкүннээһиҥҥэ уларыппыттара.

 

Тарҕат:

Комментарии

Защитный код Обновить