Мэҥэ Хаҥалас улууһугар биир киһи ойоҕун уу саппыкытынан кырбаабытыгар уорбаланар.
Кырбанан балыыһаҕа киирбит дьахтары медиктэр полицияҕа тыллаабыттар. Бэрэбиэркэ көрдөрбүтүнэн, кинини 56 саастаах кэргэнэ кырбаабыта биллибит.
“Уорбаланааччы сарсыарда эрдэ командировкаттан кэлбитэ, ойоҕо атын киһилиин сытарын булбут. Уорбаланааччы онтон уордайан уу саппыкытын ылбыт да, ойоҕун сирэйин үлтү сыспыт. Оттон көссүүтүн тыыппатах. Уорбаланааччыны утары соруйан киһини кыратык эчэппитин иһин холуобунай дьыала тэриллибит. Кинини 4 ыйга диэри хаайыахтарын сөп”, — диэн ИДьМ пресс-сулууспата иһитиннэрэр.
Сэҥээриилэр