Ыам ыйын 25-28 күннэригэр Булгунньахтаах быһылаанынан сибээстээн Хаҥалас улууһугар траур биллэрилиннэ. Туох баар саататар тэрээһиннэр тохтотулуннулар, судаарыстыбаннай былаахтар түһэрдилэр.
Санатар буоллахха, бэҕэһээ Булгунньахтаахха Новиков диэн биэнсийэлээх эр киһи 5 ыалын саанан ытан өлөрөн баран бэйэтигэр тийиммитэ. Новиков Дьокускайтан уон сыллааҕыта Булгунньахтаахха дьиэ атыылаһан көспүт. Бэҕэһээ күнүс икки чаас саҕана ыалларыгар саалаах тиийэн биэс киһини өлөрбүт. Кини түөрт улахан киһини уонна үһүс кылаас оҕотун өлөрбүт. Дьолго, кыл мүччү саһан биэрэн, 14 саастаах оҕо тыыннаах хаалбыт. Быһылаан тахсыбытынан сибээстээн, Арассыыйа СК Саха сиринээҕи управлениета холуобунай дьыаланы көбүппүт. Миэстэтигэр психологтар эҥин үлэлиилэр.
