Арассыыйа Силиэстийэлиир кэмитиэтин Саха сиринээҕи управлениетын Дьокуускай куораттааҕы Силиэстийэлиир отдела Дьокуускай куорат 27 саастаах олохтооҕун утары Арассыыйа ХК 109 ыст. 3 ч. (алҕаска 3 киһини өлөрүү) тэриллибит дьыалатын силиэстийэлээн бүтэрдэ.
Силиэстийэ быһаарбытынан, балырыын ахсынньы 12 күнүгэр уорбаланааччы бииргэ олорор дьахтарын кытары куорат Бабушкин уул. 12-гэр баар кыбартыыратыгар арыгылыы олорбуттар. Аһаан баран уорбаланааччы куукунаҕа баар дьыбааҥҥа сытан табахтаабыт уонна утуйан хаалбыт. Табах күлэ түһэн уот барбыт. Силиэдэбэтэллэр умуллубатах табах сототуттан сылтаан дьыбаан умайан, уот кыбартыыра устун тарҕаммытын дакаастаабыттар.
Уорбаланааччы дьалаҕай сыһыаныттан сылтаан 3 киһи суорума суолламмыт – кини бииргэ олорор дьахтара, уонна ыаллыы олорор дьахтар уонна 17-лээх кыыс.
Холуобунай дьыала силиэстийэлэнэн бүтэн суут көрүүтүгэр ыытылынна.
