Киирии

Киирии

СӨ Үрдүкү Суута Кангалас оскуолатын урукку дириэктэрэ, итирик туруктаах сылдьан икки киһини түҥнэри көтөн өлөрбүт Алексей Юрченконы Дьокуускай куораттааҕы суут болдьоҕун иннинэ таһаарбытын көтүрдэ. Бу туһунан эмсэҕэлээччи өрүт албакаата Павел Стаценко иһитиннэрэр.

Апелляция суута куораттааҕы суут сөбө суохтук, сокуон хараҕынан буолбакка, тоҕо болдьоҕун иннинэ тахсыахтааҕын бигэргэппэккэ эрэ туран сөбө суох быһаарыныыны ылынна диир.

Сокуон быһыытынан, Юрченко алта ый буолан баран суукка апелляцияҕа биэриэн сөп.

Yurchenko1

Санатар буоллахха, бу сыл кулун тутар 29 күнүгэр Дьокуускай куораттааҕы суут суол быһылааныгар икки киһини өлөрбүт Юрченконы хаайыыттан босхолообута.

 Радмила Сюн-Цин-Фан, СӨ Үрдүкү Суутун бэрэссэдээтэлин СМИни уонна уопсастыбаннаһы кытары үлэҕэ солбуйааччы:

— Бэс ыйын 5 күнүгэр СӨ Үрдүкү Суутун судьуйаларын кэллиэгийэлэрин аппеляционнай быһаарыыларынан, Дьокуускай куораттааҕы суут 2018 сыл кулун тутар 29 күнүнгэр сууттанааччы А.А. Юрченконы болдьоҕун инниттэн босхолуур быһаарыытын көтүрдэ. Быһаарыныы сокуоннай күүһүгэр киирдэ.

Тарҕат:

Ырытыыгын суруй

Защитный код
Обновить

Бүтэһик сонуннар