Киирии

Киирии

Ахсынньы 17 күнүгэр СӨ Бырабыыталыстыбатын дьиэтигэр, “Семья года” күрэс кыайыылаахтарын чиэстээһин буолла. Бу туһунан СИА иһитиннэрэр.

“Биэс ыал араас номинацияларынан наҕараадаланнылар. Ол курдук, “Үгэһи илдьэ сылдьааччы – дьиэ кэргэн” номинацияҕа Үөһээ Бүлүү улууһун Харыйалааҕыттан төрүттээх Мойтохоновтар-Васильевтар бастаатылар. Бастыҥ тыа ыала – Үөһээ Дьааҥыттан Слепцовтар, оттон куоракка олорор ыаллар ортолоругар Петровтар, бастыҥ эдэр ыал – Горнай улууһуттан Максимовтар. Бастыҥ көс олохтоох ыал номинация кыайыылаахтарынан Эбээн Бытантай улууһун Баатаҕай-Алыта нэһилиэгиттэн удьуор табаһыттар Константиновтар ыллылар”, – диэн иһитиннэриигэ суруллар.

Дьиэ кэргэн аҕа баһылыга, табаһыт Афанасий Константинов кэргэнинээн түөрт оҕолоохтор. “Оҕолорбут кыһынын эбэлэригэр олорон Баатаҕай-Алыта оскуолатыгар үөрэнэллэр. Онтон сайынын биһигини кытта сылдьаллар. Кэргэмминээн куруук ыстаадаҕа сылдьабыт. Оҕолорбутун эбээн омук үгэһигэр үөрэтэ сатыыбыт”, – диир кини.

Тарҕат:

Комментарии

Защитный код Обновить