Бэҕэһээ, ыам ыйын 17 күнүгэр сарсыарда 10 чааска, Сэргэлээхтиир суол 6 км турар саха эстрадатын биллиилээх ырыаһыттара Екатерина уонна Алексей Егоровтар дьиэлэрэ умайбыт.
“Баһаар проводкаттан барбыт буолуон сөп, иккис этээс бүтүннүү умайбыт. Дьолго эмсэҕэлээбит киһи суох. Аҕабыт Бүлүүгэ бултуу барбыта, инньэ гынан ийэбит соҕотох олорбута. Аҕабытыгар тута эрийэн эппиппит, онон айаннаан иһэр. Ийэбит этэҥҥэ”, – диэн Егровтар улахан уоллара Алексей Егоров — Өркөн ykt.ru саайтка иһитиннэрэр.
ЫБММ пресс-сулууспата иһитиннэрбитинэн, баһаарынайдар кэлиэхтэригэр диэри дьиэ үрдэ аһаҕас уотунан умайа турбут. 80 кв м иэннээх иккис этээс олоччу умайбыт. Баһаар барбыт төрүөтэ уот проводыттан буолуон сөп диэн сабаҕалыыллар. Билигин буруйдааҕы уонна хоромньуну быһаарыллар. Баһаары умуорууга үс тиэхиньикэ уонна 16 киһи үлэлээбит.
СӨ үтүөлээх артыыстара Екатерина уонна Алексей Егоровтар дьиэлэрин чөлүгэр түһэрэллэригэр көмөлөһүөн баҕалаахтар, мобильнай баан нөҥүө +7 914 265-24-84 (Алексей Алексеевич Егоров) эбэтэр Сбербаан карта нүөмэригэр 2202 2021 9957 4389 көмө харчыгытын ыытыаххытын сөп.
