Федерация Сэбиэтин официальнай саайтыгар сурулларынан, ийэ хапытаалын аны дьиэни гаастааһыҥҥа туһанары көҥүллүүр туһунан саҥа сокуон барылын оҥорбуттар.
Бу сокуон барылын Госдумаҕа киллэрэллэрин туһунан саҥа сокуон барылын ааптара- Федерация бэрэссэдээтэлин солбуйааччы Галина Карелова иһитиннэрбит.
Сокуон ылыллар түгэнигэр, ийэ хапытааллаахтар аны бэйэлэрин учаастактарыгар гаас утаҕын тартарыыга уонна дьиэлэригэр күөх төлөнү холботоллоругар туһаныахтарын сөп буолуоҕа.
Билигин ийэ хапыталлаахтар 90 бырыһыаннара хапытаалларын дьиэни туттууга эбэтэр атыылаһыыга ыыталлар эбит. Ордук тыа сиригэр уонна аччыгый куоракка олорор дьиэ кэргэн кэтэх дьиэни туттар. Оттон ону гаастааһын барыларыгар кыаллыбат, билигин да бу боппуруос сытыытык турарр. Онон сокуонунан сыһыаран, дьиэ кэргэн гааска холбоноругар улахан кыаҕы биэриэхтэрэ.
