Биэнсийэ пуондатын нөҥүө бэриллэр оҕо төлөбүрүгэр сайабылыанньа балаҕан ыйын 30 күнүгэр диэри хомуллуоҕа. Бу туһунан СӨ Үлэҕэ уонна социальнай сайдыыга министиэристибэтэ иһитиннэрэр.
Саха сиринээҕи Биэнсийиэ пуондатын салаата отчуоттуурунан, 5 тыһыынчалаах ыйдааҕы төлөбүрү ыларга 38 943 сайабылыанньа бигэргэммит. 10 тыһыынча солк. кээмэйдээх төлөбүр 194 600 оҕоҕо бэриллибит. От ыйынааҕы эбии төлөбүрү кытта уопсайа 2,5 миллиард солкуобай ааҕыллыбыт.
Бу төлөбүрдэр 0 сааһыттан 16-гар диэри саастаах оҕолорго 2020 сыл муус устар ыйыттан бэриллэллэр. Тустаах төлөбүрү ыларга төрөппүттэр сайабылыанньаны судаарыстыбаннай өҥө порталын, эбэтэр олорор сирдэринэн Биэнсийэ пуондатын Саха сиринээҕи салаатын нөҥүө биэриэхтэрин сөп.
Бу төлөбүрү көрүүгэ-истиигэ сылдьар уонна оҕо дьиэтигэр олорор оҕолор эмиэ туһанар бырааптаахтар. Бу түгэҥҥэ сайабылыанньаны эпэкиин уонна сокуоннай бэрэстэбиитэл биэрэллэр.
