Войти

Войти

Кэлин күннэргэ, өбүгэлэрбит этэллэрин курдук, мутук тостор бытарҕан тымныыта түһэр күннэрэ турдулар. Кириһиэнньэҕэ тымныйар дииллэрин, дьэ, үчүгэйдик көрдөрдө.

Бүлүү суолун 45 км Кэҥкэмэҕэ биллэр уопсастыбанньыктар, экологтар, учуонайдар Анатолий уонна Диана Чомчоевтар саха ынаҕын иитэн олороллорун өрөспүүбүлүкэ дьоно үксэ билэр.

DSCF3425

“Эһиэхэ тымныыгыт хайдаҕый, хайдах олордугут”, - диэн ыйытыыга Анатолий Игнатьевич: “Биһиэхэ тохсунньу 19 күнүгэр сарсыарда 9 чааска -60 тымныы түһэ сырытта. Түүн төһө буолбутун көрбөтөхпүт. Күммүт түбүгэ уларыйбат, күнүс 11 чааска ынахтарбытын таһааран күөлгэ киллэрэн уулаттыбыт, хаамтара түстүбүт, аһаттыбыт”, - диэн кэпсээтэ. 

Кинилэр олорор Айыы тайбыт диэн сирдэрэ айылҕаттан Өймөкөөн, Үөһээ Дьааҥы курдук тымныйар уратылаах дьикти айдарыылаах. Сыл аайы кыһын оройо -50 кыраадыстаах тымныы өр турааччы. Хата, саха ынаҕа барахсан тымныыга кыһаммат.

DSCF3458

DSCF3451

DSCF3437

Ити кэпсэтии аҕыйах хонук иннинэ Чомчоевтарга Ил Түмэн дьокутаата, “Сахаэнерго” гендириэктэрин бастакы солбуйааччы Г.Н. Алексеев тахса сылдьыбыт. Кини ол туһунан соц ситимнэргэ: “Бүгүн Кэҥкэмэҕэ Анатолий Чомчоевка тахса сырыттым. Үгүстэр кинини учуонай-атомщик, айааччы инженер быһыытынан билэллэр. Кини 70 да саастаннар, идиэйэтэ элбэх. Анатолий Игнатьевич бэйэтэ айбыт Арктикаҕа аналлаах 1МВт кыамталаах дьоҕус атомнай станциятын туһунан билиһиннэрдэ. Анатолий Игнатьевич чуолкай кэнсиэпсийэлээх, барыта оросчуоттанан, докумуона оҥоһулла сылдьар. Бөдөҥ научнай-чинчийэр институттары кытта ситиһиилээхтик үлэлэһэр эбит. Арай хоту сир усулуобуйатыгар кыайан киллэриллэ, боруобалана илик. Учуонайы кытта кэпсэттибит да, мөккүһэн да ыллыбыт. Мин саныахпар бырайыагы ситэриэххэ наада, чахчы интэриэһинэй идиэйэ”, -диэн суруйбута.

Владимир Степанов.

Тарҕат:

Добавить комментарий