Биллэрин курдук, Арассыыйа импиэрийэтин бүтэһик ыраахтааҕыта Николай II бэйэтин дьиэ кэргэнин, оҕолорун, чугас дьонун кытта 1918 с. Екатеринбург куоракка ытыллан өлөрүллүбүттэрэ.
Өлөрүөхсүттэр обургулар кинилэр өлүктэрин атын ким да булбатын курдук харайбыттарын түмүгэр, кэлин араас сурах-садьык бөҕө үөскээн тахсыбыта. Ол курдук, Николай II дьиэ кэргэнин сорох чилиэннэрэ, холобур биир кыыһа Анастасия, тыыннаах хаалбыттарын эҥин туһунан кэпсээн-ипсээн элбээбитэ.
Бу күннэргэ, хаһыс да төгүлүн төхтүрүйэн, генетиктэр эспэртиисэлэрин түмүгэ таҕыста. Молекула-генетика таһымынан оҥоһуллубут эспэртиисэ булуллубут 11 киһи кырамтатыттан 7-тэ ыкса аймахтыы буоларын (ийэ, аҕа, 4 кыыс уонна биир уол) дакаастаата. Ону таһынан, булуллубут “аҕа” (Николай II) кырамтата бу сыалга анаан Санкт-Петербуртан ылыллыбыт Александр III ыраахтааҕы генын матырыйаалыгар, “аҕа уонна уол” таһымынан ыкса аймахтыы буолара көһүннэ.
Чэ, быһата, саарбахтааһын суох, бассабыыктар ыраахтааҕы дьиэ кэргэнин барытын сонно имири эспиттэр эбит. Кими да ордорботохтор.
