Киирии

Киирии

ХИФУ ууга түспүт дьону быыһаары суорума суолламыт Алексей Никифоров уонна Трифон Агафонов сырдык кэриэстэригэр, сыл ахсын туттарыллар “Слава и величие СВФУ” диэн бириэмийэ олохтообута. Бэлиэ хорсун быһыыны оҥорбут университет устудьуоннарыгар иҥэриллэр. Бу туһунан устудьуоннар идэлээх сойуустарын пресс-сулууспата иһитиннэрэр.

Быйыл “Слава и величие СВФУ” бэлиэни уонна 100 тыһ солк бириэмийэни геологоразведочнай факультет 5-с кууруһун устудьуона Александр Неустроев ылла. Кини ааспыт сайын Алдан оройуонугар быраактыкалана сылдьан, бииргэ үөрэнэр оҕолорун тыатааҕыттан быыһаан турар.

 ““Слава и величие СВФУ” бэлиэ ордук дьоһун дьоруойун талар олус ыарахан. Ол иһин, кэлэр сылтан бу бэлиэ хорсун быһыыны оҥорбут үс киһиэхэ иҥэриллэр буолуоҕа”, – диэн  ХИФУ үлэһиттэрин профкомун бэрэссэдээтэлэ уонна куонкурустаах хамыыһыйа салайааччыта Афанасий Саввиндиэн бэлиэтээтэ. 

Алексей уонна Трифон олус көхтөөх, ханнык баҕар түгэҥҥэ  көмөлөһөргө бэлэм устудьуоннар этилэр. 2015 сыллаахха от ыйыгар, Алексей Өлүөнэ өрүс үөһүгэр сөтүөлүү сылдьан 10 саастаах оҕону ууттан быыһаабыта. Оттон Трифон Ороссолуодаттан чугас өрүскэ сүтүөлүү сылдьан, күүстээх сүүрүктэн доҕотторун быыһаабыта. Эдэркээн уолаттар бэйэлэрин олохторун толук ууран хорсун быһыыны оҥорбуттара, үүнэр көлүөнэҕэ холобур буолар.

Тарҕат:

Комментарии

Защитный код Обновить