Киирии

Киирии

Белоруссия Витебскай уобалаһыгар  оскуола үөрэнээччилэрин ортотугар бэһис төгүлүн “IEPHO-2018” норуоттар икки ардыларынааҕы экспериментальнай физикаҕа олимпиада буолан ааста.

Манна Өрөспүүбүлүкэтээҕи лиссиэйтэн Станислав Новиков, Георгий Санников, Ньурбатааҕы техническэй лиссиэйтэн Коля Дмитриев уонна Дьокуускайдааҕы 31-с оскуолаттан Артем Ильинов кытыннылар.  Кинилэртэн 9-с кылаас үөрэнээччитэ Станислав Новиков уонна 8-с кылаас үөрэнээччитэ Георгий Санников үһүс миэстэ буолан кэллилэр.

Станислав быйыл иккис сылын кытанна. Былырыын хайҕал грамоталаах кэлбитэ. Оттон Георгий быйыл 12-с оскуолаттан лиссиэйгэ үөрэнэ кэлбитэ. Уонна бастакытын кыттан улахан ситиһиилэннэ. Салайааччынан Афанасий Иванович Слепцов сырытта.  

Ааспыт нэдиэлэҕэ үөрэнээччилэри кытта көрсүһүү тэрийдилэр. Манна уолаттар олимпиада сорудахтарын, хайдах сылдьан кэлбиттэрин туһунан кэпсээтилэр. Уонна судургу уопуттары оҥорон көрдөрдүлэр.

Биһиги лиссиэйбит бу олимпиадаҕа сыл аайы көхтөөхтүк кыттар. Инниктин өссө да үрдүк ситиһиилэниэхпит диэн эрэнэбит.

Хаартыскаҕа: Лена Дмитриевна Федорова - физика учуутала, иитэр-үөрэтэр үлэҕэ дириэктэри солбуйааччы уонна Станислав Новиков, Георгий Санников.

Тарҕат:

Комментарии

Защитный код Обновить